''Քահանայապետական Արեւելեան ինստիտուտի'' ակատեմական տարւոյն բացումը` նախագահութեամբ Կարդինալ Սանտրիի։

(Ռ.Վ. 27 հոկտեմբեր 2014) Շաբաթ, 25 հոկտեմբեր 2014-ի առաւօտեան ժամը 11-ին, Հռոմի Pontificio Istituto Orientale - Քահանայապետական Արեւելեան ինստիտուտի, ակադեմական տարւոյն բացումը կատարուեցաւ Արեւելեան Եկեղեցիներու Ժողովի կառավարիչ` Կարդինալ Լէոնարտօ Սանտրիի նախագահութեամբ։
Ակադեմական տարւոյն բացման հանդիսութիւնը սկիզբ առաւ` Թուրքիոյ Կաթողիկէ Հայոց առաքելական կառավարիչ, Արհիապատիւ Հայր Լեւոն Արք Զէքիանի մատուցած հայածէս սուրբ պատարագով որուն յաջորդեց Կարդինալ Լէոնարտօ Սանտրիի զեկոյցը որուն մէջ ծիրանաւորը նշեց` ''Արեւելեան ինստիտուտի'' հիմնադիր Պենետիկտոս ԺԵ քահանայապետի ընտրութեան հարիւր ամեակը, ինչպէս նաեւ Վատիկանեան Տիեզերական Բ ժողովի` ''Orientalium Ecclesiarum'' փաստաթուղթը։ Ան ապա Արեւելեան Եկեղեցիներու հետ համագործակցութեան ծիրէն ներս, ''Քահանայապետական Արեւելեան'' հաստատութենէն խնդրեց, ամրապնդել ' աստուածաբանական, հայրաբանական եւ ծիսական բաժիններու ուսումնասիրութիւնները։ Հուսկ շնորհակալութիւն յայտնելով գերապայծառ Զէքիեանին, Արեւելեան Եկեղեցիներու Ժողովի կառավարիչը` Հայ ազգին աղէտի` ''Մեծ Եղեռնի'' հարիւրամեակին առթիւ, ներկայացուց նիւթին հայող որոշ խորհրդածութիւններ։